Җиңүчеләрне каршы алдылар

2015 елның 14 апреле, сишәмбе
Мамадыш хоккейчыларын баян моңнары астында каршы алдылар. Илья Шевяхов кул астында шөгыльләнүче яшь спортчыларыбыз хоккей буенча ТР беренчелеген отып кайтты. Команданы “Олимп“ Боз сарае каршында район башлыгы Анатолий Иванов, аның урынбасары Салават Гыймранов, мәгариф бүлеге җитәкчесе Ришат Сәмигуллин, спортчыларның әти-әниләре, дуслары, боз сарае хезмәткәрләре каршы алды. “Олимп-2002“ җиңүче исеме өчен Азнакай бозында көрәште. Биредә алар җирле “Сокол“ белән уйнадылар. Өч очрашуның икесе якташларыбыз файдасына төгәлләнә. Шул рәвешле, мамадышлылар Татарстан беренчелеген оттылар. Спортчыларыбыз өчен чәй табыны да әзерләнгән иде. Хоккейчылар биредә дә үз адресларына бик күп котлау сүзләре кабул иттеләр. Сүз уңаеннан, бүген “Олимп-2002“ командасы тренеры Илья Шевяхов туган көнен билгеләп үтә. Аны гомер бәйрәме белән тәбрикләп, киләчәктә дә зур уңышлар телибез. 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив хокукый актлар
Гражданнар кабул итү
Матбугат хезмәте
Адрес: РТ, Мамадыш шәһәре, М.Җәлил ур, 23/33 йөрт
Телефон: 8(85563) 2-20-01
E-Mail: sovet.mam@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International