1 апрельдән илебездә хәрби хезмәткә язгы чакырылыш кампаниясе башланды. Ул 15 июльгә кадәр дәвам итәчәк. Агымдагы елның апрель-июль айларында Россиядә хәрби чакырылыштан азат ителмәгән һәм хезмәткә алу вакыты чигерелмәгән 1988-1997 елларда туган 150 меңнән артык егет хәрби хезмәткә чакырыла. Хезмәт итү вакыты үзгәрешсез кала: ул 1 ел тәшкил итә.
Язгы чакырылыш чорында районыбызның хәрби комиссиясе аша 500гә якын 18-27 яшьлек егетләр узачак, аларның 72-се Ватан алдында торган бурычларын үтәргә чакырылачак. Чиләбе өлкәсенең Трехгорный шәһәренә бу чакырылышта 13 кешене җибәрү күз уңында тотыла.
Егетләрне Татарстанның Җыелу пунктыннан гаскәрләргә озату апрель аеның өченче ункөнлегендә башланачак.