Файдалы очрашу

2015 елның 8 апреле, чәршәмбе
Бу атнада районыбыз эшмәкәрләре өчен бик тә файдалы очрашу үтте. Муниципалитет бинасының утырышлар залында уздырылган чарада Республика Президенты каршындагы эшмәкәрләрнең хокукларын яклау буенча уполномоченный Тимур Нагуманов, республика Президентының Территорияләр белән эшләү буенча идарәсе баш киңәшчесе Ришат Зиннәтуллин, Эшмәкәрлеккә ярдәм күрсәтү үзәге җитәкчесе Дилюс Шәвәлиев, Сәүдә-сәнәгать палатасы рәисе урынбасары Валерий Герасимов катнаша. Эшлекле чараны кереш сүз белән район башкарма комитеты җитәкчесе Илнар Хафизов ачып җибәрде. Алга таба кунаклар очрашуда катнашучыларга гамәлдәге программалар, хөкүмәт тарафыннан күрсәтелә торган ярдәмнәр, инвестицияләр җәлеп итү юллары турында сөйләделәр. Алар шулай ук Мамадыш эшмәкәрләренең барлык программаларда да актив катнашуларын билгеләп үтте. Чара кысаларында эшмәкәрләрнең күп санлы сорауларына җавап бирделәр,  гозерләре булганнарны аерым кабул итү дә оештырылды.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International