2015 нче елның 8 нче апрелендә Мамадыш районы ГХАТ бүлегендә туу турында 100 нче актлар язмасы теркәлде. Елның 100 нче таныклык иясе - Мамадыш шәһәренең яңа гражданы Сәмирә Нугуманова.
Гаиләдә икенче бала булып туган баһадир кыз – 3850 гр. авырлыкта, буе - 55 см. 2 яшьлек абыйсы Әмир өчен ул көтеп алынган сеңел.
ЗАГС бүлеге җитәкчесе Фәния Әхмәтшина бәхетле ата-ананы чын күңелдән котлады, баланың беренче документын тапшырганда Нугумановлар гаиләсенә нык сәламәтлек, гаилә иминлеге теләде. Истәлекле ике дәүләт телендә “Сәмирә” исеменең мәгънәсен эченә алган ЗАГС бүлегенең махсус котлау открыткасын тапшырды.