Халык файдасын күрә

Быел үзарасалым акчасы җыю турындагы карарны штыкка алучылар да, хуплучылар да булмыйча калмады. Соңгылары күпчелекне тәшкил итте, әлбәттә.

Акча җыя башлаганда канәгатьсезлек белдергәннәр, 200 сумнарын кызганганнар да авылларындагы үзгәрешләрне күргәч, бүген үзара салымга карашаларын уңай якка үзгәрткәннәрдер, шәт. Дөрес, әле арада урамнарны рәтләгән вакытта капка төпләрендә ком-ташларның “дөрес“ ятмавына ризасызлык белдерүчеләр дә табыла. Быел җәй азакларында Колышчы авылында булырга туры килде. Төзекләндерелүгә эләккән урамда яшәүчеләр “дөрес“ ятмаган ташларны рәтләп чыкканнар иде. Ә бер ханым үз турыларын берничә метр озынлыкта тигезләп тә куйган.

Чыннан да, бүген районыбыз торак пунктларында уңай якка үзгәрешләр күзгә ташлана. Урамнар рәткә китерелә, зират коймалары яңартыла, чишмәләр төзекләндерелә, урамнарда яктырткычлар урнаштырыла. Шунысы игътибарга лаек, кайбер авыл җирлекләрендә үзарасалым, Татарстан Республикасы бюджетыннан күчерелгән акчаларны бары тик бер объектта эшләр башкару өчен тотыла. Мәсәлән, Югары Ушма, Никифорово, Сон авыл җирлекләрендә җыелган акчага  авыл урамнары рәтләнә. Уналты авыр җирлегендә җыелган сумманың күп өлеше  зиратларны рәтләүгә юнәлдерелгән. Шулардан Албай, Көек-Ерыкса, Кече Кирмән, Түбән Шүләңгер, Урта Кирмән, Уразбахты авыл җирлекләрендә җыелган акчаларны бары тик зиратларны төзекдәндерергә тотарга ниятләгәннәр.

Темага

Районыбыз авылларында ел азагына чаклы  барлыгы 36 километр озынлыктагы урамнарны тәртипкә китерү каралган.

Дүсмәт, Ишки, Красная Горка, Олыяз, Омар һәм Шәмәк җирлекләрендә урамнарны яктыртуга да игътибар бирелә. Соңгы икесендә урамнарны рәтләне, зиратларны тәртипкә китерүне, чишмәләрне төзекләндерүне дә планлаштырганнар.

Авыл җирлекләренә ниятләрен тормышка ашыру өчен районыбызның берничә оешма-предприятиесе, шәхси эшмәкәрләр булыша. Үз көчләренә таянучылар да бар. Үзарасалым киләчәктә дә гамәлдә булачак. Шуңа күрә авылларда яшәүчеләр арасында чираттагы үзарасалым җыю вакытында “тешләрен кысып“ кесәләреннән акча чыгаручылар бик аз калыр дип ышанасы килә. 

Авыл                          җыелган акча (мең сумнарда)

җирлекләре      халыктан         ТР бюдҗетыннан    барлыгы

Албай                       53,4               213,6                        267                           

Югары Ушма          96                   384                           480

Дүсмәт                     131,4              525,6                        657

Ишки                        60                   240                           300

Катмыш                    64                   256                           320

Красная Горка         500                 2000                         2500

Көек-Ерыкса            198                 782                            990

Көмеш Күл               100                 400                           500

Келәүш                    94                   376                           470

Кече Кирмән            100                  400                           500

Түбән Сон                 95                   380                            475

Түбән Ушма             144                  576                            720

Түбән Тәкәнеш         194                  776                            970

Түбән Шүләңгер       86,6                 346.4                         433

Никифорово              60,4                  241,6                        523

Олыяз                         187                   748                           935

Омар                           100                   400                           500

Отарка                        110,8                443,2                        554

Урта Кирмән              65                     260                           325

Сон                              137,8                551,2                        689

Тауиле                         56,6                  226,4                        283

Урахбахты                  35                      140                           175

Усали                           182                    728                           910

Шәдче                          147                    588                           735

Шәмәк                          58,6                   234,4                        293

Яке                                60,6                   242,4                        303

Барлыгы                       3127,5                12508,2                    15636,5