Мамадыш муниципаль районы

“Язылган өчен – iPad!

2014 елның 17 октябре, җомга

“Язылган өчен – iPad!” “ТАТМЕДИА” ААҖ абунәчеләр арасында шул исемдәге конкурс үткәрү турында игълан итте. Анда катнашу өчен бер кеше һәм бер почта адресына “ТАТМЕДИА” җәмгыятенең, ким дигәндә, өч басмасына язылырга, почта аша яки VISA/MasterCard картасы ярдәмендә, QIWI терминаллары яки банк аша акча күчереп түләргә тиеш булалар.

2015нче елның 1нче яртыеллыгы өчен газета–журналларга язылу кампаниясе бара. Гадәттәгечә, әлеге чорда редакция коллективлары төрле акцияләр, конкурслар игълан итәләр. Мәсәлән, “ТАТМЕДИА” җәмгыятенең “Нократ” (“Вятка”) филиалы андый бәйгене хат ташучылар арасында оештыра.

“ТАТМЕДИА” ААҖ мондый төр бәйгеләрне республика күләмендә оештыра. “Язылган өчен iPad!” конкурсы абунәчеләр өчен үткәрелә. Ул быелның 10 октябреннән 31 декабренә кадәр узачак. Нәтиҗәләр 2015 елның 5 февраленнән дә соңга калмыйча чыгарыла. Җиңүчеләргә бүләкләр 10 марттан да соңгы калмыйча тапшырылыр дип вәгъдә итә конкурсны оештыручылар.

Бәйгедә катнашу өчен язылу абонементының күчермәсен яки интернет аша түләү кәгазен почта белән 420066, Казан шәһәре, Декабристлар урамы, 2нче йорт адресына җибәрү сорала. Конвертка “Абунәчеләр конкурсы”/“Конкурс подписчиков” дип язарга, элемтә өчен телефон һәм язылучының исем-фамилиясен куярга онытмау сорала. Шулай ук podpiska@tatmedia.ru электрон адресына җибәрергә дә мөмкин, дип хәбәр итә “Татмедиа” республика матбугат һәм массакүләм коммуникацияләр агентлыгы.

Төп бүләк – 30 мең сумлык iPad. Конкурсның өстәмә бүләге –фотоаппаратлар. Тагын һәркайсы 500 сумлык канцелярия кирәк-яраклары җыелмасы рәвешендә 50 берәмлек кызыксындыру бүләге дә каралган.

Конкурс турындагы нигезләмәләрне, “Татмедиа” ААҖ басмаларының тулы исемлеген www.tatmedia.ru сайтында табарга мөмкин.

Сүз уңаеннан, районның “Нократ” яки “Вятка” газеталарына ярты елга язылу бәясе 468 сумны тәшкил итә.

БАРЛЫК ЯҢАЛЫКЛАРНЫ УКУ