Мамадышта грипптан сезонлы вакцинация башланды.

2014 елның 17 октябре, җомга
Быел барлыгы 11700 кешене прививкалау көтелә. Дарулар район үзәк хастаханәсенә кайтарылды. 

Табиблар грипп авыруыннан хәзердән үк сакланырга тәкъдим итә. Моның өчен вакцинация узу зарур, ди алар. Балалар, өлкәннәр һәм риск төркеменә керүчеләр өчен бу бушлай башкарыла торган процедура. Риск төркеме үз эченә мөгаллимнәр, табиблар һәм тәрбиячеләрне ала.
Күп кенә мамадышлылар профилактика чарасына уңай карый. Әлеге прививка кыска гына вакыт эчендә иммунитетны ныгытырга сәләтле, ди белгечләр. Кайбер кеше халык медицинасына өстенлек бирә икән. Мәсәлән, без хастаханәдә очраткан бер абый иң яхшысы бал. Ул күп чирләрдән дәвалый дип сөйләде. Әмма табиблар искәртүенчә, һәрнәрсәнең үз урыны бар.
Виталий Яковлев кебекләр, сәламәтлек белән шаяртмаска кирәк дип саный. Ул да бүген прививка ясатырга килгән.
–Мин сәламәт яшәү өчен тырышам. Чирне дәвалаганчы, алдан кисәтү отышлырак,– диде ул.
Бу атнада гриппка каршы прививка ясатучыларның саны 8053 тигез иде.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив хокукый актлар
Гражданнар кабул итү
Матбугат хезмәте
Адрес: РТ, Мамадыш шәһәре, М.Җәлил ур, 23/33 йөрт
Телефон: 8(85563) 2-20-01
E-Mail: sovet.mam@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International