Бүген һава-десант гаскәрләре көне билгеләп үтелә!
Бүген һава-десант гаскәрләре көне — кыю, көчле рухлы, намуслы, туганлык һәм антларына тугрылык яшәү мәгънәсенә әверелгән кешеләр бәйрәме билгеләп үтелә.
Мамадыш районында бу данлыклы традицияне хөрмәт итәләр. Инде ничә ел ветеран-десантчылар Җиңү паркында ВДВ һәйкәле янында митингка җыела. Бу урын хәрби батырлыкка Хәтер һәм хөрмәт символына әверелде.
Бүген район башлыгы Вадим Никитин Мамадыш десантчыларын бәйрәм белән котлады. Ул билгеләп үткәнчә, безнең ветераннар бүген дә сафта: алар гуманитар ярдәм җыюда актив катнашалар, гуманитар миссияләргә баралаар, алгы сызыктагы сугышчыларга ярдәм итәләр. Битараф булмаулары һәм Ватанга тугрылык өчен рәхмәт!
Чарада мемориаль киңлекне үстерү планнарына аерым игътибар бирелде. Якын арада ВДВ һәйкәле янында герой-якташларның исемнәрен мәңгеләштерү өчен махсус хәрби операциядә катнашучылар хөрмәтенә аллея салу планлаштырыла.
Район башлыгы яшьләрне патриотик рухта тәрбияләүдә һәм фронтка ярдәм итүдә зур өлеш керткән иң актив десантчыларга Рәхмәт хатлары тапшырды. Шулай ук Маргелов ордены белән һәлак булган сугышчы Евгений Хрипунковның әнисе Александра Хрипункова бүләкләнде. Барлык катнашучыларны чын күңелдән ВДВ көне белән котлыйбыз! Ныклы сәламәтлек, тыныч күк йөзе һәм яңа казанышлар телибез!