Бүген безнең герой-Булат Фаяз улы Хәсәнов, Мамадыш районының Урта Кирмән авыл җирлеге башлыгы, ул инде 24 ел үзенә ышанып тапшырылган территорияне үстерүдә җитәкчелек итә.
"Хезмәт итү" ("Служение") марафоны кысаларында без көндәлек эшләре үз эшенә тугрылык һәм кече Ватанга мәхәббәт үрнәге булган кешеләр турында сөйлибез.
Бүген безнең герой - 24 ел үзенә ышанып тапшырылган территорияне үстерүдә җитәкчелек итүче Мамадыш районының Урта Кирмән авыл җирлеге башлыгы Булат Фаяз улы Хәсәнов. Чирек гасыр чамасы җирлек җитәкчесе булып эшләү дәверендә Булат Фаяз улы фикердәшләре белән бергә авыл җирлегенең йөзен үзгәртә алды. Планлы эш һәм ресурсларны җәлеп итә белү нәтиҗәсендә мөһим инфраструктура бурычлары хәл ителде. Авылларда юлларга ремонт ясалды, ә былтыр яңа ФАП ачылды.
«Авыл территорияләрен комплекслы үстерү» дәүләт программасында катнашу нәтиҗәсендә җирлек дүрт проектны уңышлы тормышка ашырды: Арташ һәм Алан авылларында тротуарлар, шулай ук Урта Кирмән авылында заманча спорт мәйданчыгы төзелде.
Төбәк чишмәләргә һәм тарихи объектларга бай. Урта Кирмән авылында ике чишмә – «Татлы су» һәм «Әрәмә чишмәсе» ләренә ремонт ясалды. Республика программасы буенча «Изгеләр чишмәсе» туристик урыннары һәм «Кирмәнчек» шәһәрчеге төзекләндерелде.
Җирлек эшләреннән тыш, Булат Фаяз улы авыл халкы белән бергә МХО зонасындагы сугышчыларыбызга ярдәм итүдә дә актив катнаша. Волонтерлар маскировка челтәрләре үрәләр, мендәрләр тегәләр, аш өчен яшелчәләр әзерлиләр һәм чәй ясыйлар. Авылдашлары турында көндәлек кайгырту, үз вазыйфаларыңны җаваплы башкару һәм югары профессионализм – ватанга чын күңелдән хезмәт итү ул.
#ВАРМСУ #марафонСлужение #марафонСлужение16