Мамадыш муниципаль районы башкарма комитеты торак урыннарына мохтаҗ (торак шартларын яхшырту)буларак исәптә торучы гражданнарны яңадан теркәү турында хәбәр итә
Мамадыш муниципаль районы башкарма комитеты торак урыннарына мохтаҗ (торак шартларын яхшырту)буларак исәптә торучы гражданнарны яңадан теркәү турында хәбәр итә.
Татарстан Республикасы Мамадыш муниципаль районы Башкарма комитетының 2017 елның 1 февралендәге № 89 карары нигезендә торак урыннарына мохтаҗ буларак исәптә торучы гражданнарны (инвалидлар һәм инвалид балалары булган гаиләләр; сугыш хәрәкәтләрендә катнашучылар; социаль наем буенча исәптә торучы гаиләләр) ел саен яңадан теркәү каралган.
Яңадан теркәү 2026 елның 1 гыйнварыннан 2026 елның «31» мартына кадәр.
Яңадан теркәлү узу өчен, ул тәмамлаганчы Башкарма комитетка түбәндәге документларны(төп нөсхәләре, күчермәләре) тапшырырга кирәк.
Адрес:ТР, Мамадыш ш., М. Җәлил ур., 23/33 йорт, 205 нче кабинет)
Социаль наем шартнамәсе буенча торак урыннар алу хокукын раслау максатларында исәпкә алынган гражданнарның керемнәрен һәм мөлкәтләре хакын яңадан бәяләүне уздыру өчен кирәкле документлар исемлеге
1. 2-НДФЛ формасы буенча хезмәт хакы турында белешмә (алдагы ел өчен);
2. Пенсиянең барлык төрләрен алу турында пенсия фондыннан белешмә (узган ел өчен);
3. Компенсация түләүләре, өстәмә айлык матди тәэмин итү, эш бирүче тарафыннан үз хезмәткәрләренә, шул исәптән инвалидлык яисә яшь буенча пенсиягә чыгуга бәйле рәвештә эштән киткән элеккеге хезмәткәрләренә (узган ел өчен)күрсәтелә торган матди ярдәм;
4. Алына торган пособиеләрнең күләмнәре турында белешмә (алдагы ел өчен);
5. Стипендия алу турында аның күләме күрсәтелгән белешмә - студентлар өчен (алдагы ел өчен);
6. Күчемсез мөлкәтне (җир кишәрлекләрен, йортларны, фатирларны, дачаларны, гаражларны) һәм башка механик чараларны, продуктларны эшкәртү һәм саклау чараларын сатудан һәм арендага бирүдән, субарендага, наемга алудан, арендага алудан (алдагы ел өчен)керемнәр;
7. Банк яки башка кредит оешмасы тарафыннан бирелгән банк кертемнәре буенча процентлар күләме турындагы белешмә (алдагы ел өчен);
8. Милектә транспорт чаралары булу/булмау турында ЮХИДИ белешмәсе;
9. Транспорт чараларын дәүләт теркәвенә алу турында таныклыклар (граждан һәм (яисә) аның гаилә әгъзалары милкендә транспорт чаралары булганда));
10. Транспорт чаралары паспорты (граждан һәм (яисә) аның гаилә әгъзалары милкендә мөлкәт булганда));
11. Транспорт чарасының бәясен раслый торган документ (граждан һәм (яисә) аның гаилә әгъзалары милкендә транспорт чаралары булганда));
12. Узган салым чорындагы керемнәр турында салым декларацияләренең хисап кабул итү турында мөһер белән күчермәләре (салым салуның гадиләштерелгән системасы буенча эшләүче индивидуаль эшкуарлар, юридик затлар);
13. Алимент түләү күләме турында белешмә (алдагы ел өчен);
14. Россия Федерациясе граждан законнары нигезендә төзелә торган шартнамәләр буенча эшләр өчен түләү (алдагы ел өчен);
15. Крестьян (фермер) хуҗалыгы, шул исәптән юридик зат төземәгән хуҗалык эшчәнлеге нәтиҗәсендә алынган керемнәрне дә кертеп, эшкуарлык эшчәнлеге белән шөгыльләнүдән керемнәр (алдагы ел өчен);
16. Акцияләр буенча керемнәр һәм оешма милке белән идарә итүдә катнашудан башка керемнәр (алдагы ел өчен);
17. Дәүләт теркәве, кадастр һәм картография федераль хезмәтенең Татарстан Республикасы буенча идарәсеннән күчемсез мөлкәтнең булуы (булмавы) турында өземтә (ведомствоара хезмәттәшлек кысаларында Башкарма комитет тарафыннан мөстәкыйль рәвештә соратып алына);
18. Күчемсез мөлкәт объектларының кадастр бәясе турында белешмә (ведомствоара хезмәттәшлек кысаларында Башкарма комитет тарафыннан мөстәкыйль соратып алына);
19. Граждан күчемсез мөлкәтнең кадастр бәясе белән килешмәгән очракта-күчемсез мөлкәтнең базар бәясен күрсәтеп белешмә;
20. Барлык теркәлгән затларга паспорт өстәленнән өземтә.