Мамадыш муниципаль районы башлыгы Вадим Никитин махсус хәрби операциядә катнашучы якташыбыз белән очрашты
Мамадыш муниципаль районы башлыгы Вадим Никитин кыска вакытлы ялга килгән махсус хәрби операциядә катнашучы якташыбыз белән очрашты. Әңгәмә барышында район башлыгы «Бүре» кушаматлы хәрбигә батырлыгы һәм фидакарьлеге өчен рәхмәт белдерде.
"Без ил мәнфәгатьләрен яклаучы якташларыбыз белән горурланабыз. Мамадыш районы МХОдә катнашучыларга һәм аларның гаиләләренә даими ярдәм күрсәтә. Күпме кирәк, шул кадәр ярдәм итәчәкбез", - дип ассызыклады Вадим Никитин.
Мамадыш егете очрашуга хатыны белән килгән иде. Ул район халкы җыйган гуманитар ярдәмне алгы сызыкка вакытында китерүне югары бәяләде һәм барлык волонтерларга һәм битараф булмаган гражданнарга ярдәмнәре өчен рәхмәт белдерде.
Район башлыгы хәрби хезмәткәрнең һәм аның гаиләсенең ихтыяҗлары белән кызыксынды. Шулай ук акчалата тәэмин итү һәм махсус операциядә катнашучыларның гаиләләренә ярдәм чаралары мәсьәләләре турында сөйләштеләр.
Очрашу азагында Вадим Никитин актив гражданлык позициясе һәм Ватанга лаеклы хезмәте өчен якташына рәхмәт белдерде, аңа уңышлар, үз-үзен сакларга һәм исән-имин өйгә кайтуын теләде.