Игътибар ! Түбәдән кар төшү
Температураның кискен үзгәрүе һәм күп кар яву Мамадыш районында түбәләр җимерелү куркынычын тудырды. Район башлыгы Вадим Никитин предприятие җитәкчеләренә һәм бина милекчеләренә өстәмә куркынычсызлык чаралары күрергә һәм кичекмәстән түбәләрне кардан һәм боздан чистартырга кушты.
Эшләр катгый рәвештә түбәндәге кагыйдәләр буенча башкарылырга тиеш:
- Чистарту тәүлекнең якты вакытында барлык куркынычсызлык нормаларын үтәп башкарылырга тиеш.
- Эшләр башкарыла торган урыннар киртәләп алынырга, ә җәяүлеләр хәрәкәте кисәтү билгеләре һәм сигнал тасмасы белән чикләнергә тиеш.
- Ташланган карны кичекмәстән территориядән чыгарырга кирәк.
Районда яшәүчеләрне игътибарлы булырга, коймаларны игътибарсыз калдырмаска, куркыныч зоналардан узмаска һәм бина фасадлары янында балаларның уеннарына юл куймаска сорыйлар.
Бу гади чараларны үтәү җәрәхәтләр һәм гадәттән тыш хәлләрне булдырмаска ярдәм итәчәк.