Мамадышта «Мамадыш урманчылыгы» ТР ДКУ, «Кама урманчылыгы» ТР ДКУ, «Мамадыш урман хуҗалыгы» ТР ДБУ һәм «Кама урман хуҗалыгы»ТР ДБУнең 2025 елдагы эшләренә нәтиҗә ясалды.
Мамадышта «Мамадыш урманчылыгы» ТР ДКУ, «Кама урманчылыгы» ТР ДКУ, «Мамадыш урман хуҗалыгы» ТР ДБУ һәм «Кама урман хуҗалыгы»ТР ДБУнең 2025 елдагы эшләренә нәтиҗә ясалды.
Киңәшмәдә ТР Урман хуҗалыгы министры урынбасары Рәис Гомәров, Мамадыш муниципаль районы башлыгы урынбасары Ришат Сәмигуллин, ведомство буйсынуындагы учреждениеләрнең җитәкчеләре һәм белгечләре, шулай ук авыл җирлекләре башлыклары катнашты.
Төп доклад белән урманчылык җитәкчеләре Әхәт Хәсәнов һәм Альберт Шамилов чыгыш ясадылар. Әхәт Хәсәнов узган ел Мамадыш урманчылыгы территориясендә 72,5 гектарда урман торгызу, 651 гектарда урман культураларын агротехник карау, 202 гектарда урман культураларын тулыландыру, шулай ук базис урман питомникларында 0,9 гектарда орлык чәчү эшләре башкарылуы турында сөйләде. «Урман законнарын бозуларны кисәтү өчен 1000 нән артык төр эшләр башкарылган. Урман фонды җирләрендә патрульлек итү һәм 288 профилактик чара», — дип билгеләп үтте ул.
Альберт Шамилов хәбәр иткәнчә, янгынга каршы чаралар комплексы кысаларында гомуми озынлыгы 100 км булган яңа минераллаштырылган полосалар салынган, шулай ук 23,7 км озынлыктагы янгынга каршы юллар төзелгән һәм реконструкцияләнгән. «Урманнарны саклау өчен 44,5 га мәйданда урман патологиясе тикшерелде һәм 55 га мәйданда ликвид булмаган агач җыеп алынды», — дип өстәде ул. Министр урынбасары Рәис Гомәров белгечләргә 2026 елның янгын куркынычы сезонына әзерләнүгә аерым игътибар бирергә кушты. "Техник әзерлекне тәэмин итү генә түгел, халык белән профилактик эшне көчәйтү дә мөһим. Татарстан һәрвакыт урманнарга сакчыл караш үрнәге булды", - дип ассызыклады ул үзенең чыгышында.
Район башлыгы урынбасары Ришат Сәмигуллин урман хуҗалыгының районда югары дәрәҗәдә алып барылуын билгеләп үтте. Ул шулай ук янгын куркынычы мәсьәләләренә аерым игътибар бирелүен ассызыклады: «Экологик иминлек» милли проекты кысаларында урман фонды җирләрен нәтиҗәле патрульләү һәм урман янгыннарын пропагандалау оештырылган. Чара азагында алдынгы хезмәткәрләрне бүләкләделәр.