Валерий Классенны Ленинградны блокададан тулысынча азат итүнең 82 еллыгы белән котладылар
Быел Ленинградны фашистлар блокадасыннан тулысынча азат итүнең 82 еллыгы билгеләп үтелә. Соколка авылында яшәүче Валерий Иванович Классен Мамадыш районында «Блокададагы Ленинградта яшәүче»статусына ия бердәнбер кеше. Бүген аны истәлекле дата белән социаль яклау бүлеге җитәкчесе Алия Мөбәрәкшина котлады. Ветеранга тирән ихтирам һәм рәхмәт йөзеннән чәчәкләр һәм бүләкләр тапшырылды. Валерий Ивановичның тормышы сугыш һәм Блокададагы Ленинградтан башлана. Ул 1941 елның 6 апрелендә туган, 22 июньдә сугыш башланган, ә 8 сентябрьдә шәһәр блокадасы һәм 1942 елның март ахырында гына гаиләсе эвакуацияләнә алган. Олы яшьтә булуына карамастан, якташыбыз актив тормыш рәвеше алып баруын дәвам итә. Берничә ел элек ул үзе җилкәнле көймә төзегән һәм аны суга төшереп сынап караган.
Валерий Ивановичка сәламәтлек, бәхет, иминлек һәм озын гомер телибез. Сезнең йөрәгегез якыннарыгызның һәм туганнарыгызның игътибары, кайгыртуы белән җылылык һәм шатлык белән тулып торсын.