Мамадышта «Балалар террорга каршы» турниры узды

2026 елның 26 гыйнвары, дүшәмбе

           Ял көннәрендә «Олимп» боз аренасы мөһим мәгънәле зур спорт бәйрәме өчен мәйданчык булды. Биредә 2017 елгы уенчылар арасында «Балалар террорга каршы» девизы астында хоккей турниры узды. Ярышлар спортны һәм сәламәт тормыш алып баруны берләштерде.

            Иң көчлеләр исеменә Татарстанның дүрт шәһәреннән биш команда көч сынашты: җирле «Олимп», Кукмарадан - «Ягуар», Менделеевсктан - «Айсберг» командалары, шулай ук Яр Чаллыдан «Чаллы» командасы 2 составта. Ике көн буена яшь хоккейчылар җанатарларны  мавыктыргыч голлары һәм оста итеп капка саклаулары белән сөендерделәр.