Мамадыш кышкы юбилей бәйрәменә әзерләнә: 7 февральдә X «Sunny ФЕСТ»креатив чаналар фестивале узачак

2026 елның 21 гыйнвары, чәршәмбе

Мамадышта 7 февральдә «Sunny ФЕСТ» креатив чаналарның Х юбилей фестивале узачак. Кышкы Татарстанның визит карточкаларының берсенә әверелгән бу күренекле вакыйга шәһәрнең төп мәйданына яңадан талантлы осталарны, күңелле командаларны һәм меңләгән тамашачыларны җыячак.

Фестивальнең төп үзенчәлеге -  гадәти булмаган һәм сәнгати бизәлгән чаналар конкурсы. Катнашучылар креативлык, тизлек һәм төшү ераклыгы буенча ярышалар, жюри һәм тамашачылар хөкеменә чынлап та хәрәкәт итүче инсталляцияләрне тәкъдим итәләр. Күңелле чанада  шуудан  тыш, кунакларны бай программа көтә: концерт мәйданчыгында иҗат коллективлары чыгышлары, кайнар чәй һәм традицион сыйлар белән бәйрәм ярминкәсе, шулай ук бөтен гаилә өчен күңел ачу чаралары.