Мамадышта 24 фатирлы яңа йортка яраклылык турында бәяләмә бирелде
2025 елның 31 июлендә Татарстан Республикасы Дәүләт төзелеш күзәтчелеге инспекциясе Мамадыш шәһәренең Ленин урамы, 19 адресы буенча урнашкан яңа торак йортка проект документациясе таләпләренә туры килү турында бәяләмә бирде. Дүрт катлы кирпеч йорт Татарстан Республикасы Рәисе каршындагы Дәүләт торак фонды заказы буенча төзелгән. Техник заказчы функцияләрен «ТР Баш инвестиция-төзелеш идарәсе»ДКУ башкарды. Генераль подрядчы булып «Мамадышстрой» ЯАҖ, проект эшләрен «АрхТехПроект»ҖЧҖ башкарды. Яңа торак объект 24 фатирга исәпләнгән. Йортны файдалануга тапшырганнан соң, Мамадыш районыннан 24 гаилә үзләренең торак шартларын яхшырта алачак. Проект «тормыш өчен Инфраструктура» милли проекты кысаларында гамәлгә ашырылды, аның төп бурычларының берсе гражданнарны сыйфатлы һәм һәркем сатып ала алырлык торак белән тәэмин итүне арттыру.