Мамадышта «Интеллект» һәм «Дети Галактики» палаткалы лагерьларының тантаналы ачылышы булды

2025 елның 16 июле, чәршәмбе

Мамадышта районның иң актив, иҗади һәм шат күңелле балаларын берләштергән «Интеллект» һәм « Дети Галактики» палаткалы лагерьларын ачу тантанасы булды.

Сменалар башлану тантанасы чын-чынлап бәйрәм рухында узды. Катнашучыларга сәламләү сүзе белән яшьләр эшләре һәм спорт бүлеге җитәкчесе Алмаз Гарифуллин мөрәҗәгать итте. Ул балаларга бай, кызыклы һәм онытылмаслык ял теләде, мондый инициативаларның Яшьләр үсеше өчен мөһимлеген ассызыклады. Чараның төп бизәге лагерьларда тәрбияләнүчеләрнең үзләре чыгышлары булды. Яшь талантлар тамашачыларны дәртле җырлары, дәртле биюләре, сәнгатьле шигырьләр укулары һәм тамашачыларда хисләр өермәсе тудырган матур итеп театральләштерелгән  тамаша  күрсәттеләр.