Мамадыш районы башлыгы Вадим Никитин муниципалитетның агросәнәгать комплексы уңышлары турында хәбәр итте

2025 елның 14 июле, дүшәмбе

 Социаль челтәрдә ул билгеләп үткәнчә, «Родные места» компанияләр төркемендә бүген 1500ләп кеше эшли, шуларның 600гә якыны — терлекчелек өлкәсендә. Кичә Түбән Ушма авылында нәкъ менә шушы тармак хезмәткәрләрен хөрмәтләделәр.

Тантаналы чара «Туган җирләр» инициативасы белән төзелгән спорт комплексы янындагы мәйданда узды. Пространство авыл бәйрәмнәрен үткәрү, корпоратив һәм социаль проектларны гамәлгә ашыру өчен актив файдаланыла. Район җитәкчесе сүзләренә караганда, Мамадыш районы терлекчеләре югары  күрсәткечләргә ирешәләр. Агымдагы елның беренче яртыеллыгында районда 2 мең тоннадан артык ит һәм 50 мең тонна сөт җитештерелгән. Көнлек савым күләме 300 тоннадан артып китә.