Мамадышта Гаилә, мәхәббәт һәм тугрылык көненә багышланган тантаналы чара узды
50 ел-ул 18275 көн. Районыбызның "алтын" гаиләләрен хөрмәтләү тантанасын алып баручылар районыбызның 6 дистә парның бергә яшәгән көннәрен санап чыктылар. Бу гаиләләр үзләре мондый исәпләүләр алып бармаганнар- бәхетлеләр вакытны санамый. Электән килә торган матур традиция яңадан торгызылды! Һәр гаиләгә Рәхмәт хатлары һәм бүләкләр тапшырылды.
Кадерле мамадышлылар, Гаилә, мәхәббәт һәм тугрылык көнендә барыгызга да тынычлык һәм татулык, ихтирамлылык һәм иминлек телибез. Өегез шатлык белән тулып торсын, ә йөрәгегездә бер- берегезгә карата мәхәббәт һәм үзара ихтирам булсын.Кадерле кешеләрегез һәрвакыт янәшәдә булсын!
Һәр гаиләгә тигезлек, тынычлык, муллык, сәламәтлек, бәхет һәм мәхәббәт телим. Балаларыбыз, оныкларыбыз һәрвакыт сөендерсен, безнең горурлыгыбыз булып торсыннар! Илләребез тыныч, гаиләләребез нык булсын!