Район башлыгы Вадим Никитин капиталь ремонт маршруты буенча йөреп чыкты.
Мамадышта Җиңү урамы, «Мамадыш» совхозы бистәсендәге яр буе республиканың өстәмә финанс ярдәме белән норматив хәлгә китереләчәк. Район башлыгы аңа Татарстан Рәисенә шәхсән мөрәҗәгать итеп иреште.
Проект нигезендә, автомобиль хәрәкәте интенсив булган урамда юл полотносына асфальт түшәү генә түгел, ә өстәмә җәяүлеләр зоналары булдыруны, су агу урынннарын оештыруны һәм башкаларны үз эченә алган комплекслы эшләр башкару планлаштырыла. "Җәяүлеләр маршрутын, зоналаштыру вариантларын билгеләү, су агу урынннары, җәяүлеләр кичүләренең кирәклеген һәм халыкның, шул исәптән аз хәрәкәтләнүчеләрнең иминлегенә, эксплуатация срогына һәм гомуми уңайлылыгына йогынты ясый торган башка барлык эшләрне исәпкә алу мөһим. Шәһәрдә эшләр башланды. Мин үзәк юлларның хәзерге хәленә аңлап каравыгызны сорыйм. Иң проблемалыларын ремонтларбыз", - дип билгеләп үтте район башлыгы. Быел быел"Тормыш өчен инфраструктура " илкүләм проекты бурычларын үтәүче юл программаларына кертелгән Ленин, Толстой урамнарын һәм башка участокларны күздә тотып әйтте.