Юрис Шәкүров чиратттагы 40 нчы мунчаны ясады.
Мамадыштан Юрис Шәкүров күпләр өчен чын халык ярдәме символына әверелде. Аның мобиль мунчалары инде ике ел СВО зонасында сугышчыларга ярдәм итә. Әле яңа гына ул 40 нчысын ясап бетерде.
Бурычы гади - сугышчыларга кыр шартларында да юыну һәм парлану мөмкинлеге бирү. Ясап чыгу 10 көн чамасы вакытны ала, ә уллары булышса, тагын да тизрәк. "Әти безнең сугышчылар өчен барысын да эшләгәндә, без берничек тә читтә тора алмыйбыз. Ул әйтә – без үтибез", – ди Юрис Шәкүровның улы Илдар.
Мондый мунчаларга ихтыяҗ зур — Юрис абый таңнан алып кояш баеганчы эшли. 40нчы мунча инде җибәрергә әзер. Ярдәм һәркайдан килә: кешеләр акча белән дә, кул белән дә ярдәм итәләр. Мәсәлән, күршесе Рамил Хәсәнов узган елдан бирле бу мунчаларны каен себеркеләре белән тәэмин итә. Үзе җыя, киптерә һәм барысын да бушлай эшли. "Бу бит гигиена гына түгел, ул туган җирнең бер өлеше, БАЛАЧАК ИСЕ, җылылык һәм кайгырту", – ди күршесе Рамил Хәсәнов. Мунчаның авырлыгы якынча 700 кг тәшкил итә, ә аны хәтта җиңел автомобиль ярдәмендә дә алып баррырга мөммкин. Корылманың озынлыгы - 2,5 метрдан 3,5 метрга кадәр. Конструкция тулысынча мобиль – бакка су җыярга һәм утын ягарга кирәк һәм ул 30 минуттан инде әзер була.