Алабугага сәяхәт: өлкән буын мәдәнитя һәм тарих белән таныша
«Өлкән буын» Федераль проекты һәм «актив озын гомер» республика программасы кысаларында «Кайгырту» үзәгенең социаль-тернәкләндерү бүлеге белгечләре өлкән яшьтәге гражданнар өчен Алабуга шәһәренә мавыктыргыч экскурсия оештырдылар.
Алабуга-үзенең бай тарихи-мәдәни мирасы, матур табигате һәм кабатланмас атмосферасы белән дан тоткан Татарстанның борынгы шәһәрләренең берсе. Биредә күренекле сәнгать эшлеклеләре-бөек рус рәссамы Иван Шишкин һәм шагыйрә Марина Цветаеваның тормыш юллары узган. Кызыклы һәм эчтәлекле экскурсия нәтиҗәсендә сәфәрдә катнашучылар әлеге танылган шәхесләрнең тормышы һәм иҗаты белән бәйле истәлекле урыннарда булдылар, шулай ук революциягә кадәрге чор архитектурасы белән таныштылар һәм төбәкнең табигый матурлыкларыннан ләззәт алдылар. 1812 елгы Ватан сугышы герое Надежда Дурова каберенә бару һәм Татарстан Республикасы Милли музее тупланмасыннан Кытай коллекциясе күргәзмәсе кунакларга аеруча тәэсир итте. Экскурсия катнашучыларда иң җылы һәм якты истәлекләр калдырды. Барысы да сәфәрнең югары дәрәҗәдә оештырылуын билгеләп үттеләр һәм оештыручыларга чын күңелдән рәхмәт белдерделәр. Уңай хис-кичерешләр һәм туган як турында яңа белемнәр белән тулган катнашучылар илһамланып һәм канәгать булып өйләренә кайттылар.