Бүген Татарстан мөфтие Камил хәзрәт Сәмигуллин Мамадыш районының Дегетле авылындагы 17 нче колониядә булды
Бүген Татарстан мөфтие Камил хәзрәт Сәмигуллин Мамадыш районының Дегетле авылындагы 17 нче колониядә булды. Монда ул Россия ҖҮФХИнең Татарстан Республикасы буенча идарәсе башлыгының урынбасары эчке хезмәт полковнигы Эльдар Аллахвердиев һәм 17 нче колония- поселение башлыгы эчке хезмәт полковнигы Раил Сәгыйтов белән очрашты.
Очрашуда шулай ук мөфтинең социаль мәсьәләләр буенча киңәшчесе, ТР мөселманнары Диния нәзарәтенең ТР буенча ҖҮФХИ белән хезмәттәшлек координаторы, Россия ҖҮФХИ каршындагы Иҗтимагый совет әгъзасы, Казан шәһәренең Киров һәм Мәскәү районнары имам-мөхтәсибе Илдар хәзрәт Баязитов, Россия ҖҮФХИ каршындагы Иҗтимагый совет әгъзасы, «Ярдам – Помощь» ОБФ Президенты Илһам Исмәгыйлев, ҖҮФХИ җитәкчесенең оештыру буенча ярдәмчесе дин тотучылар белән эшләү Альберт Шәмсунов, Мамадыш районы имам-мөхтәсибе Илһам хәзрәт Миңнегалиев һәм башкалар. Сәфәр барышында мөфти биредә урнашкан мәчеттәге колония тоткыннары белән аралашты. Ул үзенең үгет-нәсихәтләрен бирде һәм хөкем ителгән мөселманнарның дини мәсьәләләрен аңлатты. Колония мәчете ислам динен тотучы барлык хөкем ителгәннәрне сыйдыра - андыйлар 35 тирәсе. Биредә Ураза һәм Корбан бәйрәмнәре үткәрелә, җомга намазлары укыла, ислам нигезләре буенча дәресләр, рухи әңгәмәләр һәм вәгазьләр даими үткәрелә. Агач бина һәм барлык кирәкле әйберләр белән җиһазландырылган тәһарәтханә мөселман тоткыннары көче белән берничә ай эчендә төзелгән. 2019 елның декабренә кадәр алар карамагында бары тик гыйбадәт бүлмәсе генә булган. ТР мөселманнары Диния нәзарәте Россия ҖҮФХИнең ТР буенча идарәсе белән берлектә экстремизм күренешләрен кисәтү максатында Республиканың төзәтү колонияләрендә җәза үтәүче мөселманнар белән актив аңлату эшләре алып бара. Бүгенге көндә республиканың барлык колонияләрендә намаз бүлмәләре яки мәчетләр эшли, аларда махсус әзерлекле имамнар эшли. Алар тоткыннарга дини тәрбия бирү белән шөгыльләнәләр: вәгазьләр укыйлар, дин белән бәйле сорауларга җавап бирәләр, Коръән өйрәтергә булышалар. Дин әһелләре белән очрашулар атна саен Татарстанның барлык төрмәләрендә уза. Төзәтү колонияләре китапханәләре «Хуҗур»нәшрият йортының дини әдәбияты белән тулылана. Традиция буенча колонияләр Корбан бәйрәме һәм Рамазан аенда ифтарлар үткәрү өчен азык-төлек белән тәэмин ителә.