«Татарстанда җәй» республика проекты кысаларында бәйрәм Галактионов урамына да килде

2025 елның 2 июле, чәршәмбе

«Татарстанда җәй» республика проекты кысаларында бәйрәм Галактионов урамына да килде. Халык үзләре өчен оештырылган чарада ял итә һәм күңел ача алды. Программада җирле артистларның чыгышлары, балалар өчен күңел ачулар һәм район җитәкчелеге белән җылы, дустанә атмосферада аралашу мөмкинлеге булды.

Иң актив һәм җаваплы кешеләр йорт яны территорияләрен үстерүгә һәм төзекләндерүгә өлеш керткән өчен Рәхмәт хатлары белән бүләкләнделәр. Алдагы бәйрәмнәрдә сез дә катнашыгыз!

3 июльдә ипподромда «Лето вместе» - «Жәй бергә!» фестивале узачак. Бөтен гаиләгез белән килегез! https://leto2025.tatar/ сайтында афишаны күзәтегез һәм "Татарстанда җәй" дигән иң кызыклы вакыйгалар турында белеп торыгыз!