Мамадышта яшәүче хатын-кыз «Курше Фест»ишегалды конкурсында җиңүче булды
Татарстанда "Курше Фест" халык конкурсында җиңүчеләрне билгеләделәр. Республика халкы тәкъдим иткән 585 кызыклы идея арасыннан эксперт жюри иң якты һәм перспективалы 64 проектны сайлап алды.
Идарәче компанияләр, территориаль иҗтимагый үзидарәләр, коммерциячел булмаган оешмалар, эшмәкәрләр һәм гади актив гражданнар тарафыннан тәкъдим ителгән Бу инициативалар ишегалларындагы тормышны кызыклырак һәм тулырак итүгә юнәлдерелгән. Мамадыш районыннан Любовь Кускованың "Дуслык бәйрәме" проекты аеруча игътибарга лаек, ул җиңүчеләрнең берсе булды. Әлеге проект кысаларында сентябрь ахырына кадәр Мамадышта музыкаль чыгышлар, күңел ачу уеннары һәм чәй эчүне үз эченә алган өч ишегалды чарасы узачак.
Шунысын да билгеләп үтәргә кирәк, "Күрше Фест" конкурсы агымдагы елның май аенда Татарстан рәисе Рөстәм Миңнеханов инициативасы белән оештырылган иде. Җиңүчеләрнең тулы исемлеге белән куршефест.рф (dvor.tatar/konkurs/) таныша аласыз.