Бүгенге көнгә Татарстанның авыл хуҗалыгы предприятиеләре 130 мең тонна печән әзерләгәннәр
Бүгенге көнгә Татарстанның авыл хуҗалыгы предприятиеләре 130 мең тонна печән әзерләгәннәр. Бу хакта ТР вице-премьеры — авыл хуҗалыгы һәм азык-төлек министры Марат Җәббаров Хөкүмәт Йортында узган оператив киңәшмәдә хәбәр итте.
Параллель рәвештә аграрийлар 1 млн тоннадан артык сенаж әзерләделәр, бу да тиешле күләмнең 40 %кры каплый. Шәхси ярдәмче хуҗалыкларда 239 мең тонна печән җыелган инде. Алабуга, Кайбыч, Кукмара, Тәтеш һәм Теләче муниципаль районнарында хуҗалыклар азык белән тулысынча тәэмин ителгән. Авыл хуҗалыгы министрлыгы белешмәләре буенча, планлаштырылган 306 мең га азык җирләренең 246 меңе чаптырылган инде.Зеленодольск, Кукмара, Мамадыш, Тәтеш, Кайбыч һәм Алабуга районнары урып-җыю эшләрен тулысынча төгәлләделәр. Апас һәм Лениногорск районнарында терлек азыгы әзерләү төгәлләнү алдында тора.