Сак булыгыз, аю! Аю белән очрашсагыз нишләргә?
Республикада кешеләрнең аюлар белән очрашу очраклары ешайды. Аларны гадәти урман массивларында гына түгел, ә кешеләр яши торган торак пунктлар тирәсендә дә күрәләр.
Җиләк-гөмбә сезоны. Аюлар яраткан тәм-томнарын: кура җиләге,нарат җиләге, мүк җиләге, каен җиләге, гөлҗимеш, миләшне эзлиләр.
• Бал яраталар. Бал аюларның яраткан затлы ризыкларыннан берсе булып тора. Алар еш кына кыргый умарталарны да, мондый умарталыкларны да җҗимерәләр, куе йоннары бал корты чагудан саклый
* Никахлашу чоры. Майдан июньгә кадәр яшь аталар партнерлар эзләп табигый саклыкларын югалталар, бу кеше белән көтелмәгән очрашуларга китерергә мөмкин. ТР биоресурслар буенча дәүләт комитеты урманнарда йөрергә яратучыларны " урман хуҗасы" белән очрашканда куркынычсызлык кагыйдәләрен үтәргә өнди:
1. Ерткыч белән очрашканда: тынычлык саклагыз; күзенә туры карамагыз (аю моны агрессия дип кабул итә); артыгызга борылмыйча, акрын гына чигенегез.
2. Хайван якынайган очракта: качмагыз; куркыту өчен кискен тавышлар чыгарыгыз.
3. Куркынычсызлык кагыйдәләре: азык калдыкларын палатка, ау йорты яки пикник урыннары янында калдырмагыз;
машина кую өчен яхшы күренә торган ачык урын сайлагыз;
аю балаларына якын килмәгез — алар янында һәрвакыт әниләре була.
Исегездә тотыгыз: көрән аю яшәгән территориядә кеше һәрвакыт максималь сак булырга һәм куркынычсызлык кагыйдәләрен үтәргә тиеш. Бу куркыныч хәлләрне булдырмаска һәм тормышны саклап калырга ярдәм итәчәк.
Биоресурслар буенча ТР Дәүләт комитеты матбугат хезмәте