Яшьләр вакыты
Беренче операцияне ясаганда аңа 26 яшь була. Билгеле ул аны тәҗрибәле табиблар кулы астында ясый. Шул вакытттагы ышыныч аның алдагы тормышына мөхим адым була. Бүген сезне28 яшьлек Наил Булат улы Гыйлемханов белән таныштырабыз.
2022 елдан Наил Гыйлемханов кайчандыр әтисе эшләгән район хастаханәсенә һәм шул ук ординатор бүлмәсенә эшкә килә. Әтисе -- шулай ук хирург, Булат Мөдәрисович күп еллар ашыга ашыга эшкә йөргән хирургия бүлеге бу.
Бүген ул Казанда мэшли. Наил Гыйлемханов әйтүенчә, нәкъ менә әтисе үрнәгендә врач булырга ният кылган ул. Әтисе аны моңа үгетләмәгән. Аның күп эшләгәнен, арыганлыгын , әмма һәрвакыт кешеләргә кирәк булуын күреп үскән ул.. Наил Булатовичның туган районында шундый ук тынычсыз, ләкин кирәкле табиби булып тормыш алып барасы килә. Бүген аның исәбендә дистәләгән операцияләр, тикшерелгән йөзләгән пациентлар һәм кизү торырга туры килгән йокысыз төннәр. Шулай да Наил Гыйлемханов гаиләсенә дә вакыт табарга тиешлеген аңлый, алар белән күбрәк булырга тырышы. Наил Булатович өйләнгән, алар беренче балаларын көтә, ә аның спорт мавыгуы - футбол.
Медицина-ул белем һәм практика гына түгел, ул кешелеклелек. Район хастаханәсен Наил Гыйлемханов универсаллар өчен, «киң аякка»практика үтәргә теләүчеләр өчен иң яхшы мәктәп дип атый. Анда тар белгеч булу барып чыкмаячак, күпне белергә һәм өйрәнергә, даими укырга һәм мәңгелек студент булырга, димәк, мәңге яшь булырга кирәк. Яшенә һәм һөнәренә карамастан, һәр укучыбызга шуны телисе килә!