Мамадыш районы үзәк хастаханәсендә авылларда эшләүче медицина хезмәткәрләре белән киңәшмә узды.
Мамадыш районы үзәк хастаханәсендә авыл ФАПларында эшләүче медицина хезмәткәрләре белән киңәшмә узды.
Киңәшмәне амбулатор - поликлиника эше буенча баш табиб урынбасары Мөбәрәкҗанова Ландыш Камил кызы ачты.
Киңәшмәдә МКДЦ ның 30 июньгә планлаштырылган мобиль комплексы эшен оештыру буенча фикер алыштылар. Әлеге күчмә мобиль комплекс ай ярым дәвамында Мамадыш районы территориясендә эшләячәк. Комплекс эше кысаларында белгечләр - кардиолог, невролог, кан тамырлары хирургы, эндокринолог, офтальмолог халыкны кабул итәчәк, шулай ук маммография һәм флюорография үткәрү оештырылачак.
30 июньнән башлап мобиль комплекс Кама табиб амбулаториясе территориясендә эшләячәк. Бу Мамадыш районы халкына сыйфатлы медицина ярдәме күрсәтүне яхшыртырга мөмкинлек бирәчәк.
Табиб - нарколог Мусин Михаил Рустэмович "Алкоголизм һәм наркомания: иске проблемалар - яңа чынбарлык" темасына лекция үткәрде, анда ул зарарлы гадәтләрнең билгеләре һәм нәтиҗәләре турында сөйләде.