Махсус хәрби операция ветераны Павел Тойменцев мактау билгесе белщн бүләкләнде
Ул Якутиядә туган, ә балачагы Мамадышта узган. Десант гаскәрләрендә хезмәт иткән, ә ил чакыргач-фронтка киткән. Яраланган, контузия алган, барлык авырлыкларга түзгән. Хәзер Павел Тойминцев-МХО ветераны гына түгел, ә «Георгий Тәресе» ордены кавалеры һәм гаилә башлыгы да. Аңа «намус» һәм «бурыч» сүзләре буш сүзләр генә булмаган кеше тарихы.
Павел Тойминцев, Якутиядә туса да, аның язмышы безнең Мамадыш белән дә тыгыз бәйләнгән. Аның әтисе Мамадыштан. Үз вакытында ул Якутиягә китә, эшкә урнаша. Анда ул Кемеров өлкәсендә туган кыз белән гаилә корган. Тойминцевларның ике баласы туа: Екатерина һәм Павел. Малайның балачагы Мамадышта узган дип әйтергә була, чөнки әти-әнисе һәр җәй диярлек безнең шәһәргә ялга кайта торган булганнар. Павел тырыш һәм максатчан егет булып үсә. Мәктәпне тәмамлап, Уссурийскида һава-десант гаскәрләрендә хезмәт итә. Илдә өлешчә мобилизация игълан ителгәч, 2022 елның сентябрендә ул Ватан алдындагы бурычын үтәргә махсус хәрби операция зонасына китә. Шул ук елның октябреннән Запорожье юнәлешендә өлкән укчы, өлкән минометчы булып хезмәт итә. Апрельдә авыр яралана һәм контузия ала.
Башта Нерюнгри шәһәре хастаханәсендә, аннары Амур өлкәсе Белогорск хәрби госпиталендә дәвалана. 2024 елның гыйнварында хәрби хезмәткә яраксыз дип таныла һәм тыныч тормышка кайта. Бүген ул үзенең тормыш иптәше, Мамадыш кызы Алсу белән Чаллыда яши. Узган ел алар гаиләсендә Айсель исемле кыз туган. Павел Тойминцев сугыш кырында күрсәткән батырлыгы өчен Изге Георгий ордены мактау билгесе – IV дәрәҗә Георгий тәресе белән бүләкләнде.
Ул җитәкчелеккә махсус операциядә катнашучыларга күрсәткән ярдәмнәре өчен рәхмәт белдерде.