Хәтер һәм кайгы көне алдыннан Мамадышта истәлекле чаралар узачак

Бүген, Хәтер һәм кайгы көне алдыннан, без сезне һәлак булган геройларны искә алырга чакырабыз.

Бүген, 21 июньдә, 20:00 сәгатьтә Мамадышта Мәңгелек ут янында «Хәтер шәме» Бөтенроссия акциясе узачак. Баш өстендәге тыныч күк йөзе өчен гомерләрен биргән кешеләргә кайгы һәм рәхмәт йөзеннән шәмнәр кабызыйк. Иртәгә, 22 июньдә, 10:00 дә шунда ук, мәңгелек ут янында, Хәтер һәм кайгы көненә багышланган митинг узачак. Бөек Ватан сугышының фаҗигале вакыйгаларын бергәләп искә алу һәм геройларга хөрмәт күрсәтү өчен безгә кушылыгыз.