Бүгенге көндә «Мамадыш үзәк район хастаханәсе» ДАССОда биналарга капиталь ремонт ясау дәвам итә
Хәзер хастаханә территориясендә бер үк вакытта хуҗалык блогында һәм йогышлы авырулар бүлегендә ремонт бара. Пищеблок, ашханә хезмәткәрләре аны үзара шулай атыйлар, инде җитди үзгәрешләр кичерде. Хәзерге вакытта бу бинада канализация торбалары алыштырыла, яңа җылыту системасы, шулай ук суүткәргеч системасы урнаштырыла. Азык-төлек склады белән уртак булган түбә тулысынча яңартылган. Инфекция бүлеге капиталь ремонт ясалырга тиешле эре объектларның берсе булып тора. Биредә объектны штукатурлау, канализация, җылыту, суүткәргеч һәм электр системаларын алыштыру эшләре актив бара. Белгечләр яңа идән җәя, өслекне тигезли. Шунысын да билгеләп үтәргә кирәк, Мамадыш районындагы ике табиб амбулаториясенә капиталь ремонт ясалган. Кама табиблык амбулаториясендә сөт кухнясы бирү бүлмәсен ремонтлау тәмамлана ("сөт кухняларын һәм балалар туклануы пунктларын ремонтлау һәм җиһазлау"республика программасы ярдәмендә).