Муниципалитет бинасында узган киңәшмәдә юлларда иминлек турында сөйләштеләр
Муниципалитет бинасында узган киңәшмәдә юлларда иминлек турында сөйләштеләр. Юлларда иминлек - юл хәрәкәте кагыйдәләрен үтәү генә түгел, ә юлларның, шулай ук юл буе полосаларының торышы да. Бу хакта Яр Чаллы шәһәрендәге территориаль идарәнең «БДД» ДБУнең юл буе полосаларыннан файдалануның билгеләнгән тәртибен үтәүне тәэмин итү бүлеге башлыгы Эльвир Харисов сөйләде. Юл буендагы теләсә нинди объект зур куркыныч тудыра, чөнки ул кешеләрне, автотранспортны җәлеп итә. Әгәр ул барлык кагыйдәләр буенча җиһазландырылган, барлык тиешле документлары бар икән, шулай ук юл куркынычсызлыгының барлык таләпләре үтәлгән, ягъни яктырту, машина кую урыннары, тротуарлар һәм башкалар бар икән, ул вакытта бернинди дәгъвалар да булырга мөмкин түгел. Үз вакытында, бу объектлар төзелгәндә, кирәкле документлар рәсмиләштерелгән. Әмма вакыт яңа таләпләр куя.
Объект милекчеләреннән килештерүгә гариза бирү юлы белән объектларны килештерү процедурасын узуларын сорыйбыз, ә техник шартлар бирүгә гариза биргән объект хуҗаларына түләү үткәрергә һәм килештерү процедурасын якын арада тәмамларга кирәк", - дип мөрәҗәгать итте Эльвир Харисов. Авыл җирлекләре башлыкларына милекчеләргә "юл хәрәкәте кагыйдәләре" ДБУда объектларны килештерү кирәклеге турында мәгълүмат җиткерергә тәкъдим ителде.
Беренче урында иминлек булырга тиеш!