Район Башлыгы авыл җирлекләре рәисләре белән очрашты
Бүген Совет һәм Башкарма комитетның утырышлар залында район җитәкчелеге авыл җирлекләре башлыклары белән очрашты. Киңәшмәнең көн тәртибенә берничә мәсьәлә кертелде, шул исәптән Мамадыш районының эпизоотик иминлеге турында. Бүген җәмәгать секторында мөгезле эре терлекләрдә лейкоз йоктыру дәрәҗәсе 3% дәрәҗәсендә саклана. Шунысын да билгеләп үтәргә кирәк, әле күптән түгел генә бу күрсәткеч 40% ка җиткән иде. Бүген район башлыгы Вадим Никитин проблеманы тулысынча чишү кирәклеге турында сөйләде.
- Бу 3% ны игътибарсыз калдырырга ярамый. Хуҗалыкларында авыру терлек асраучылар белән шәхсән очрашырга һәм сөйләшергә әзермен. Сөт чиста булырга тиеш, - диде район башлыгы.
Киңәшмә эшендә «Татарстан Республикасы инженерлык челтәрләренең баш идарәсе» ДКУ генераль директорының беренче урынбасары Максим Уколов катнашты. Ул су белән тәэмин итү системасын модернизацияләүгә юнәлдерелгән яңа программаларны анонслады. Бүген районда барлык челтәрләрнең 70% ы тузган.