2024 елда балалы гаиләләргә финанс ярдәме
2024 ел Россия Президенты тарафыннан Гаилә елы дип игълан ителде. Балалы гаиләләргә һәм гаиләләренең артуын планлаштырган гаиләләргә ярдәм итү өчен «Демография» милли проекты гамәлгә ашырыла һәм федераль һәм төбәк дәрәҗәсендә комплекслы ярдәм системасы эшли.
Татарстанда 2024 ел башыннан бала туганда бер тапкыр бирелә торган пособиене Татарстанның 20 242 гаиләсе алды, моңа 502 млн сум акча бүлеп бирелгән, дип хәбәр итә Россия Федерациясе Социаль фондының Татарстан Республикасы буенча бүлеге.
Түләү күләме 24 604 сум тәшкил итә һәм гаилә кеременә бәйле түгел. Түләү һәр яңа туган балага билгеләнә. Пособие алу өчен эшләүче ата-ана үзенең эш бирүчесенә мөрәҗәгать итәргә тиеш. Әгәр гаиләнең бер әгъзасы да эшләмәсә, гаризаны Татарстан буенча СФРГА, МФЦга яки дәүләт хезмәтләре аша бирергә мөмкин.
Акчаны опекуннар, тәрбиягә алган ата-аналар һәм уллыкка алучылар да алырга мөмкин. Тулырак мәгълүматны +7(800)100-00-01 телефоны аша алырга була.
Исегезгә төшерәбез, пособиеләр йөкле хатыннарга билгеләнә, һәм бүгенге көндә булачак өч мең ана шундый түләүләр алган.
Шулай ук балалы гаиләләр «гаилә ипотекасы» дәүләт ярдәме белән ташламалы программа ярдәмендә торак шартларын яхшырта алалар. Күп балалы гаиләләргә аерым игътибар бирелә-алар дәүләттән ипотека кредитын каплау өчен 450 мең сумга кадәр түләү алырга мөмкин.
«Демография» милли проекты ярдәмендә Россия төбәкләрендә өч яшькә кадәрге балалар өчен ясле төркемнәре булган яңа балалар бакчалары ачылды, шулай ук шәхси балалар бакчаларында өстәмә урыннар булдырылды.
Мөмкин булган ярдәм чаралары турында тулырак мәгълүматны милли проектлар.рф. сайтында табарга була.