Россия почтасы татарстанлыларга ялда сәяхәтләрдән посылкалар җибәрү кагыйдәләре турында искә төшерә
Багажны почта аша җибәрү-мондый ысулны ялга барганда Татарстанда яшәүчеләрнең саны торган саен күбрәк сайлый. Үзең белән самолетка кул йөгенә алырга ярамаган әйберләрне ял итү урынына посылка белән җибәрү яки артык шәхси әйберләрне өйгә кайтарып җибәрү бик уңайлы.
Җәйге яллар вакытында республика халкы Багажсыз сәяхәт итү өчен почта аша посылкалар җибәрә. Нигездә, мондый җибәрүләр арасында җәйге гардероб яки күләмле җиңел әйберләр: пледлар, пластмасса уенчыклар һәм кул йөгенә сыймый торган җирле сувенирлар бар. Отпуск уңайлы узсын, ә посылкаларны рәсмиләштерү һәм алу процессы тиз һәм уңайлы булсын өчен Россия Почтасы клиентларга мөһим нәрсәләрне искә төшерә:
Почта бүлегенә киләчәк гади посылканың авырлыгы 20 кг нан, якларның суммасы — 300 смдан артмаска. Өйгә илтеп җиткерү белән курьер посылкасын рәсмиләштерсәң, мондый посылканың авырлыгы 31,5 кг га кадәр җитәргә мөмкин.;
Посылканы дөрес төрергә кирәк, эчтәге предметлар селкенмәскә тиеш; төргәк тыгыз ябылырга тиеш һәм анда адрес язу өчен урын булырга тиеш. Төргәкләрне мөстәкыйль рәвештә яки почта бүлекчәсендә сатып алырга мөмкин;
Өстәмә опцияләр сайлагыз: ватылырга мөмкин булган әйберләрне «сак булыгыз» тамгасы белән җибәрегез, шулай ук юлламаның бүлеккә килүе һәм адресатка тапшырылуы турында SMS-хәбәрнамәгә заказ бирегез;
Җибәрергә чикләнгән предметлар исемлеге белән һичшиксез танышыгыз.
Посылкада (Россия эчендә) аэрозольләр, сыеклыклар җибәрергә мөмкин, ләкин агулы үсемлекләрне, шулай ук тиз бозыла торган продуктларны җибәрү тыела.
Чикләүләрнең тулы исемлеген сылтама буенча карарга мөмкин https://www.pochta.ru/support/post-rules/prohibited-for-delivery; Посылканы рәсмиләштергәндә җибәрүче почта сайтындагы почта калькуляторыннан файдалана ала. Ул илтеп җиткерүнең кулай вакытларын исәпләргә ярдәм итәчәк һәм җибәрү бәясе буенча ориентлашачак;
Посылканы онлайн — сайтта яки мобиль кушымтада рәсмиләштереп, җибәрүче бонуслар ала, алар белән соңыннан хатлар һәм посылкалар җибәрү өчен түләргә мөмкин.