Татарстанда бизнес ачуга 350 мең сумга кадәр социаль контракт алырга теләүчеләр өчен җиденче укыту агымы старт ала
26 августтан 29 августка кадәр «Мой бизнес» үзәге социаль ракт алучылар өчен онлайн-укыту уздырачак. Социаль ракт нигезендә дәүләт ярдәме алу өчен белем бирү программасы «Кече һәм урта эшкуарлык һәм индивидуаль эшкуарлык инициативасына ярдәм» милли проекты ярдәмендә бушлай уза.
Татарстанда эш башлаучы эшкуарларга ярдәм инструменты гамәлгә кертелгән. Татарстан халкы шәхси эшкуарлык эшчәнлеген яисә үз-үзен эш белән тәэмин итү сыйфатында эшчәнлекне гамәлгә ашыруга социаль килешү төзи ала. Социаль контракт төзегәндә дәүләттән 350 мең сумга кадәр грант алырга мөмкин. Ярдәм алу өчен мәҗбүри шарт булып торган бизнес-план төзергә программада катнашучыларны «Эшмәкәр әлифбасы» үзәгендә «Минем бизнес» түләүсез онлайн-курсында өйрәтәчәкләр. Үзәк белгечләре шулай ук эшмәкәрлек эшчәнлеге нигезләренә һәм башка файдалы бизнес-күнекмәләргә өйрәтәчәк. Уку ай саен уза, 26 августта аның җиденче агымы башлана. 2024 елда республиканың 200 ләп гражданы белем бирү чараларында катнаша. Теркәлү өчен МСП.РФ Цифрлы платформасына (https://xn--l1agf.xn--p1ai/) узыгыз.