Мамадышның Җиңү паркында "Җәйне бергәләп!" дигән күңелле чара узачак

2024 елның 24 июле, чәршәмбе

Мамадышның Җиңү паркында чираттагы "Җәйне бергәләп!" дигән  күңелле чара узачак. Ул 18.00 башлана.

Быел "Җәйне бергәләп!" Яшьлек скверында, үзәк мәйданда һәм стадион-ипподромда узды инде. Бәйрәмдә катнашучыларны мавыктыргыч программа көтә: актив уеннар, кызыклы квестлар, музыка һәм башкалар. Уеннарда һәм квестларда катнашучылар, шулай ук вокалистлар бүләкләр дә алачак. "Җәйне бергәләп!" балаларның җәйге каникулларын кызыклырак һәм күңелллерәк итү максатында район муниципалитеты тарафыннан тәкъдим ителгән проект. Ул яшь буында сәламәт яшәү рәвешен формалаштыруга юнәлдерелгән.

Бәйрәмгә кушылырга һәм вакытны күңелле һәм файдалы итеп уздырырга чакырабыз!