Мамадышта "авыл территорияләрен комплекслы үстерү"программасы кысаларында төзелеш эшләре дәвам итә
Агымдагы елда Мамадышта Россия Федерациясе Авыл хуҗалыгы министрлыгы аша бүлеп бирелгән акчаларга шәһәргә Кукмара ягыннан башлап Дуслык урамына кадәр урамнарны яктырту өчен баганалар утыртылды.
Линиянең гомуми озынлыгы - 1 км. эшләр 10 млн сумга төшкән. Инфраструктураның әлеге өлеше уңайлылык кына түгел, шәһәрдә куркынычсызлык та тәэмин итә. Исегезгә төшерәбез, 2023 елда шәһәрдә яктыртуны модернизацияләү республика программасы аша Горький, Ипподром, Көнбатыш, Коммунистик, Һ.Такташ, Р. Мөхәммәтшин, Г. Исхакый, Карьер, Сәйдәшев һәм башка урамнарда яктырткычларны монтажлау эшләре башкарылды. 5 млн сумлык 241 берәмлек яктырткыч куелган. Шулай ук электриклар 949 метр "5-нче чыбык" үткәргәннәр. Федераль программа буенча Россия Федерациясе Авыл хуҗалыгы министрлыгы акчасына, урамнарны яктыртудан тыш, район мәдәният йортын реконструкцияләү, шәһәрнең 1 нче мәктәбе территориясендә спорт комплексы төзү, яңа канализация-насос станциясе төзү планлаштырыла. Барлык объектларның гомуми суммасы-507 млн сум. Бу акчаны район федераль программа буенча отты. КНС Чапаев урамында төзеләчәк. Элегрәк без аны Октябрьнең 18 еллыгы урамы белән автомобиль күпере тоташтырачак дип язган идек. Корылма 2025 елның җәе ахырына кадәр төзелер дип көтелә. Күпер аша чыгуның озынлыгы 52 метр, киңлеге (тротуар зонасын исәпкә алып) - 12 метрга якын. Күпер, әлбәттә, шәһәрнең Заошма өлешеннән Мамадышның үзәк өлешенә кадәр булган маршрутны бушата алмый, әмма ул Чапаев урамында, Пугачев тыкрыгында һәм башка участокларда яшәүчеләргә бик кирәк, чөнки алар үз йортларына бик тар, уңайсыз юллардан барырга мәҗбүр. Объектның стратегик әһәмияте моның белән генә тәмамланмый. Муниципалитет күп фатирлы йортлар белән яңа микрорайон төзү турында уйлый. Бу коммерцияле торак булырмы яки, мәсәлән, социаль торак булырмы, әлегә билгеле түгел. Шунысы мөһим, Чапаев урамы янында булачак торак комплексын төзү өчен буш, бик уңайлы урын бар. Коммуникацияләрне ерактан сузарга туры килмәячәк, әмма аерым капитал салулар югарыда телгә алынган канализация насос станциясен таләп итәчәк. Аларга муниципалитет алдан ук әзерләнгән, "авыл территорияләрен комплекслы үстерү" федераль программасында җиңеп, 70-80 елларда шәһәрнең төрле өлешләренә "сибелгән" канализация системасын тәртипкә китерү өчен акча алган. Кыскасы, легендар кызылармеец хөрмәтенә аталган урамда яшәүчеләргә илкүләм проект кысаларында зур үзгәрешләр шаһиты булырга туры киләчәк. Быел ук аларга төзелеш эшләренең гаять зур фронты килеп җитәчәк. Ясалма корылманың бәясе 304 млн сум тәшкил итә. 2024 елда 153 млн сум сумлык эшләр башкару планлаштырыла.