Очрашу урыны Мамадыш шәһәренең «Забота» халыкка социаль хезмәт күрсәтү комплекслы үзәге
Татарстан Республикасы Дәүләт алкоголь инспекциясенең Яр Чаллы территориаль органы белгечләре «Забота» халыкка социаль хезмәт күрсәтү комплекслы үзәгендә ял итүчеләр белән чираттагы очрашу үткәрделәр.
Һәр көн саен кунакчыл «Забота» үзәге ял итүчеләр өчен үз ишекләрен ача, анда Татарстан Республикасының Мамадыш районы халкы сәламәтлекләрен яхшырта.
Белгечләр айга бер тапкыр ял итүчеләр белән очраша, тематик әңгәмәләр, лекцияләр, шәхси консультацияләр үткәрә һәм дәгъва хатларын төзүдә ярдәм күрсәтә, куллану базары өлкәсендәге мәсьәләләрне хәл итүдә киңәшләр бирә.
Әлеге чара ял итүчеләр һәм белгечләр арасында турыдан-туры диалог формасында узды.
Ял итүчеләр кулланучыларның төп хокуклары, сыйфатсыз товар сатып алганда барлыкка килгән теге яки бу ситуацияләрне хәл итү механизмы белән таныша. Барлык очракларда да кулланучыларны яклау өчен РФнең 07.02.1992 елгы 2300-1 номерлы «Кулланучылар хокукларын яклау турында»гы Законы күтәрелә, бары тик язма дәгъва белдерүне озакка сузмаска кирәк. Аңлаешлы булсын өчен, белгечләр практикадан мисаллар китерделәр.
Тыңлаучылар һәрвакыт бик игътибарлы, актив катнаша. Сораулар турында сөйләшкәндә һәркем үзе өчен мөһим һәм файдалы мәгълүматны ишетә алды.
Барлык катнашучыларга Кулланучылар хокукларын яклау буенча мәгълүмати буклетлар һәм «Татарстан кулланучысы хәбәрләре» газетасының соңгы чыгарылышы таратылды. Һәр очрашу ахырында - истәлеккә фото ясыйбыз һәм Яр Чаллы территориаль органының «Кайнар линия» телефоны эше турында мәгълүмат бирәбез: 88552 71-43-03.
Татарстан Республикасы Дәүләт алкоголь инспекциясенең
Яр Чаллы территориаль органы