Питрау кунаклары мәйданга җәмәгать транспортында да килә алачак

2024 елның 11 июле, пәнҗешәмбе

Питрау кунаклары мәйданга җәмәгать транспортында да килә алачак. 2024 елның 13 июлендә маршрут автобуслары Мамадыш -Җөри_ Мамадыш маршруты буенча йөреп торачаклар.

Беренче автобус Тырлау Аланына "Юлчылар бистәсе" тукталышыннан 16:00 сәгатьтә китәчәк.  транспорт 02:00 сәгатькә кадәр хәрәкәт итәчәк дип көтелә. Бер якка бару бәясе 90 сум тәшкил итәчәк. Транспорт компаниясе җитәкчелеге район халкын һәм кунакларны якынлашып килүче бәйрәм белән котлый һәм пассажирлардан җәмәгать транспортында үз-үзеңне тоту кагыйдәләрен үтәүләрен, кондуктор һәм машина йөртүчеләрнең эшенә комачауламауларын үтенә.