Татарстанда капиталь төзелеш объектларына кадастр бәясе бирелде
Яңа кадастр бәясе 2024 елның 1 гыйнварыннан кулланылачак.
Агымдагы елда объектларны күпләп яңадан бәяләү Россиянең барлык төбәкләрендә уздырылды. Татарстан Росреестры мәгълүматлары буенча, республика территориясендә массакүләм бәяләү 2 817 079 объектка карата башкарылган. Биналар, корылмалар, төгәлләнмәгән төзелеш объектлары һәм машина урыннары дәүләт кадастр бәяләвендә булырга тиеш. Ноябрьдә аның нәтиҗәләре ТР Җир һәм милек мөнәсәбәтләре министрлыгының 3140-р номерлы күрсәтмәсе белән расланды.
"Татарстанда капиталь төзелеш объектларын чираттагы Дәүләт кадастр бәяләве тәмамланды. Бүгенге көндә 2,8 миллионнан артык күчемсез милек объектының кадастр бәясе билгеләнгән. Элегрәк, 2022 елда, 1,7 млн.җир участогы дәүләт кадастр бәясе үткәрелгән иде. Закон буенча дүрт елга бер тапкырдан да сирәгрәк массакүләм бәя бирү каралган», - дип аңлатты Татарстан Росреестры җитәкчесе урынбасары Нияз Галиәкбаров.
Росреестр тоткан күчемсез милекнең бердәм дәүләт реестрына кадастр бәясе турында мәгълүматны Татарстан Республикасы буенча Роскадастр кертәчәк. Ведомство директоры Артем Костин аңлатуынча, әлеге мәгълүматлар ведомствоара мәгълүмати хезмәттәшлек тәртибендә кабул ителгән көннән алып 15 эш көне эчендә кертелә.
Кадастр бәясен Росреестрның онлайн-сервислары ярдәмендә белергә мөмкин: җәмәгать Кадастр картасы ,оплайн режимында күчемсез милек объектлары буенча Белешмә мәгълүмат һәм дәүләт кадастр бәяләмәсе мәгълүматлары фонды. Эзләү системасында объектның кадастр номерын кертү җитә. Шулай ук әлеге мәгълүмат ТР Җир һәм мөлкәт мөнәсәбәтләре министрлыгы сайтында Дәүләт кадастр бәяләмәсе нәтиҗәләре бүлегендә дә бар.
Татарстан Росреестрында аңлатуларынча, 2024 елның 1 гыйнварыннан Татарстан Республикасы территориясендә (шул исәптән капиталь төзелеш объектларында) кадастр бәясен билгеләү нәтиҗәләре турындагы бәхәсләрне карау мәсьәләләре белән ТР Җир һәм мөлкәт мөнәсәбәтләре министрлыгы каршында төзелә торган комиссия шөгыльләнәчәк.
"Кадастр бәясен билгеләү нәтиҗәләре аларның хокукларына һәм бурычларына кагылса, юридик һәм физик затлар бәхәсләшә ала. Кадастр бәясен билгеләү нәтиҗәләре комиссиядә яки судта күчемсез милек объектына карата аның кадастр бәясе билгеләнгән көнгә билгеләнгән базар бәясен билгеләү нигезендә дәгъва ителергә мөмкин, - дип билгеләп үтте Җир һәм мөлкәт мөнәсәбәтләре министры урынбасары Алмаз Кыямов.