Суд приставлары микрофинанс оешмаларының коллекторлык эшчәнлеген контрольдә тота алачак
"Микрофинанс эшчәнлеге һәм микрофинанс оешмалары турында" Федераль законга үзгәрешләр кертү хакында" 2023 елның 4 августындагы 467-ФЗ номерлы Федераль закон (документ үз көченә кермәде).
Банклар һәм микрокредит оешмаларының гражданнардан бурычлар җыю буенча эшчәнлеге суд приставлары контроленә тапшырылган. Элегрәк федераль суд приставлары профессиональ коллектор оешмалары эшчәнлеген генә контрольдә тоткан.
Федераль суд приставлары коллектор оешмаларының дәүләт реестрын, шулай ук гражданнарның бурычларын кайтару белән шөгыльләнүче кредит һәм микрофинанс оешмалары исемлеген алып барачак. Исемлек автомат рәвештә
хезмәтнең Россия Банкы белән ведомствоара хезмәттәшлеге кысаларында формалаштырылачак һәм ведомство сайтында урнаштырылачак. Яңадан «Профессиональ коллектор оешмасы» һәм «Автоматлаштырылган интеллектуаль агент» төшенчәләре кертелә. Бурычлы кеше һәм кредитор электрон почта һәм дәүләт хезмәтләре аша хезмәттәшлек итә алачак.
Закон рәсми рәвештә басылып чыкканнан соң 180 көннән үз көченә керә.