Мамадыш водоканалы халыктан килгән хәбәргә җавап бирде

2023 елның 19 сентябре, сишәмбе

Мамадыш районы башкарма комитеты матбугат хезмәтенә Мамадыш шәһәрендә яшәүче Чулпан Г.  канализация люгының иске капкачын алыштыруны сорап хәбәр килгән иде.

Бу вакыйга коммуналь хезмәткәрләрнең игътибарыннан читтә калмады. «Мамадыш водоканалы» ААҖ оператив рәвештә Энгельс урамындагы канализация люгы капкачын яңасына алмаштырды.

Без хәбәр авторына мәгълүматны матбугат хезмәтенә оператив тапшырганы өчен рәхмәт белдерәбез. Халыкка уңайлы булсын өчен, матбугат хезмәтенең телефон номерын хәбәр итәбез: 3-12-29.