Мамадыш волонтеры өй шартларында тиз төзәтә торган кремнар ясый
Мамадыш волонтеры Гөлчәчәк Нургалиева махсус хәрби оперциядә катнашучыларга май, суган һәм балавыз нигезендә дәвалау үзлегенә ия булган кремнар ясый. Рецептны аңа Минзәләдәге коллегасы тәкъдим иткән.
- Минзәлә солдатлары мондый мазьны банкалар белән алып китәләр икән, ул тирене бик яхшы дымландыра, ир - атларыбызга уңайсызлык тудыра торган җәрәхәтләрдән, яралардан, сөялләрдән булыша, - дип сөйләде Гөлчәчәк Нургалиева.
Берьюлы Гөлчәчәк Нургалиева һәркайсында 30 граммлы 20 крем тюбигы ясаган. Азрак, ләкин аны кесәгә салып та йөреп була. Бер проблема, - чын, сыйфатлы балавыз табу авыррак. Әмма волонтер үз идеясеннән баш тартырга җыенмый.
Хәзер Мамадыш активисты, шәһәрнең 1 нче мәктәбенең 8 "А" сыйныф җитәкчесе волонтерлыкка балаларны да җәлеп итүен дәвам итә. Өйдә улы белән, мәктәптә укучылар белән бергә ул коры душ, шәмнәр ясый һәм безнең хәрбиләр өчен маскалы халатлар тегә.