Роспотребнадзор мәктәп туклануы буенча киңәшләр бирә
Мәктәптә укыган вакытта тулы һәм дөрес туклану бик мөһим. Меню составынан тыш, ашау вакыты да мөһим. Бала көн дәвамында тигез туену хисе тәэмин итү һәм ачлык хисе мөмкинлеген киметү өчен билгеле бер вакытта ашарга тиеш. Көн тәртибенең мөмкин булган вариантларының берсе:иртәнге аш өйдә 7:00-8:00 сәгатьтә, Икенче иртәнге аш мәктәптә 10:30-11:00 сәгатьтә, төшке аш 13:00-14:00 сәгатьтә, төшке аш 16:30-17:00 сәгатьтә, кичке аш 19:00-20: 00 сәгатьтә.
Барыннан да озаграк ит, балык, кош һәм гөмбә эшкәртелә (дүрт-биш сәгать һәм аннан да күбрәк), бигрәк тә бәрәңге белән бергә. Хайван аксымын кушмыйча яшелчәләр ашказаны белән тиз эшкәртелә (сәгать ярым-ике сәгать), әмма менә майлы яшелчә салатлары озаграк (өч сәгать). Балалар кичке ашы өчен иң оптималь ризык дип сөт ризыкларын һәм күкәйләрне теләсә нинди тезмәләрдә санарга була: омлетлар, запеканкалар, мусслар, дөге яки солы боткасы. Шулай ук яшелчә запеканкалары яки брокколи, кабак, төсле кәбестәдән крем-аш. Файдалы киңәш: семьяда йокы алдыннан ныклап тамак туйдырмау һәм төнгә авыр ризык ашамау кагыйдәсен куегыз. Б укагыйдәне үзегез дә тотыгыз, балаларыгызга файдалы гадәт бирегез. Йоклар алдыннан бер стакан сок, кефир яки сөт эчәргә мөмкин (аллергия булмаса, аңа бал өстәгез). Әгәр дә баланың төнгә бик баллы әйбер тели икән, аңа банан яки алма бирегез - алардан конфет яки торт белән чагыштырганда файда күбрәк булачак.