Күңелне нәрсә борчый яки "Чүп проблемасын бергәләп кенә хәл итәргә мөмкин"
Күңелне нәрсә борчый яки "Чүп проблемасын бергәләп кенә хәл итәргә мөмкин".
Чүп контейнерларын тутыру һәм каты көнкүреш калдыкларын җыю мәйданчыкларында зур габаритлы чүп туплау проблемасы шәһәрдә яшәүчеләрнең күбесенә таныш. Аның сәбәпләре нинди һәм бу проблемның чишелеше бармы?
Административ комиссия санитар-экологик икеайлык кысаларында аларның торышын тикшерү максатыннан контейнер мәйданчыкларына даими рейдлар үткәрә.
Нәкъ менә контейнер мәйданчыкларына игътибарның сәбәбе- алар кырыена чүп өемнәреннән тау ясап куялар, бу халыкның авыл җирлекләре һәм Мамадыш муниципаль районы Мамадыш шәһәрен төзекләндерү кагыйдәләрен белмәү яки бу кагыйдәләрне санга сукмау турында сөйли.. Бу кагыйдәләр 9.21 пунктта билгеләнгән: «җәмәгать файдалануы территорияләрендә зур габаритлы төзелеш чүп-чарларын, кулланылган көнкүреш техникасын һәм җиһазларын, агач ботакларын, чыбык- чабыкларны контейнерларга һәм контейнер мәйданчыкларына урнаштыру тыела. Аннары, Кагыйдәләрнең 9.2 пункты нигезендә , гомуми файдаланудагы территорияләрдә калдыкларны һәм чүп-чарны урнаштыру тыела.
Кызганычка каршы, кагыйдәләр шәһәр халкы тарафыннан системалы рәвештә бозыла, шунлыктан аларның үтәлешен тикшерү һәм гаеплеләрне җәзага тарту буенча рейдлар үткәрү турында Карар кабул ителде. Тикшерүчеләр билгеләп үткәнчә, шәһәрнең контейнер мәйданчыклары янында төзекләндерү кагыйдәләрен бозу очраклары соңгы айда шактый артты. Көн саен яңа ботаклар, киселгән агач чүплекләре барлыкка килә. Аларның бер өлеше юкка чыгарыла, әмма мәйданчыкларны чистарту тизлеге белән барлыкка килү тизлеге туры килми: чүплекләр лидерлык итә.
Шул ук вакытта ботаклар һәм ватылган җиһазлар контейнер мәйданчыкларында урнаштырылырга тиеш түгел, бу турыда территорияләрне тоту кагыйдәләренең 9.21 пунктында турыдан-туры әйтелә. Комиссия кагыйдәләрне бозуның рөхсәт ителмәве турында кисәтә, чөнки гаеплеләр административ җаваплылыкка тартыла. Һәркем белергә тиеш: ТР Административ хокук бозулар кодексының 3.6 маддәсенең 1 өлеше нигезендә Җирлекләр һәм шәһәр округлары территорияләрен төзекләндерүнең муниципаль кагыйдәләрен, калдыклар белән эш итүнең муниципаль кагыйдәләрен кисәтү яки административ штраф рәвешендә бозган өчен - 2000 сумнан 3500 сумга кадәр, вазыйфаи затларга – унбиш меңнән утыз мең сумга кадәр; юридик затларга - ике йөз меңнән алып биш йөз мең сумга кадәр штраф каралган.
Комиссиянең күчмә рейдлары шәһәр буенча көн саен, районның авыл торак пунктларында атна саен үткәрелә.
Шәһәр халкына мөрәҗәгать итәбез: бакчадан җыелган агач ботакларын контейнерларга гына түгел, ә ваклап, капчыкларга салырга кирәк. Чисталык үзебездән, әйләнә-тирә мохиткә мөнәсәбәтебездән башлана. Бу проблеманы бергәләп генә хәл итеп була. Районда яшәүчеләрнең аңлавы һәм актив ярдәме кирәк.
Зур габаритлы чүп-чар, ботаклар, чыбык-чабыкларны ташлау, шәһәрне һәм авыл җирлекләрен төзекләндерү кагыйдәләрен бозу фактлары турында административ комиссиягә 3-31-26 телефоны буенча хәбәр итүегезне сорыйбыз.