Шәһәрдә идарә органнары, оешмалар һәм предприятиеләр белән комплекслы команда-штаб өйрәнүләре узды.
9 февральдә Мамадыш муниципаль районының идарә органнары, оешмалары һәм предприятиеләре белән комплекслы команда-штаб өйрәнүләренең беренче этабы үткәрелде.
Төп чаралар планы нигезендә гражданнар оборонасы өлкәсендә практик кертүләр һәм гадәттән тыш хәлләрне лвидацияләүне кисәтү эшләнде. Өйрәнүләр барышында Мамадыш янгын-коткару гарнизоны, ашыгыч хезмәтләр, шәһәр предприятиеләре, оешмалары һәм учреждениеләре көчләре һәм чаралары җәлеп ителде.
Иртәдән үк җаваплы затлар кирәкле инструкцияләр алу өчен район муниципалитеты бинасына җыелдылар. Аннары шартлы ситуацияләрне практик эшкәртү башланды. Мисал итеп күпфатирлы йортта яшәүчеләрне эвакуацияләү эшләнде.
Уку күнегүләре барышында кирәкле чаралар комплексы тулысынча үтәлде. Өйрәнүләрдә барлык җаваплы хезмәтләр катнашкан. Кыска вакыт эчендә халык куркынычсыз урынга эвакуацияләнде.
Исегезгә төшерәбез, Мамадыш районында комплекслы команда-штаб өйрәнүләре дәвам итә. Бүген һәм иртәгә тагын берничә чара үтәләчәк. Укулар барышында ашыгыч хезмәтләр, тавыш сиреналары һәм ялтыравыклы маяклар белән, көнкүреш газы шартлату, мәгариф учреждениесендәге янгын, юл-транспорт һәлакәте, шулай ук гражданнар оборонасы сигналлары белән бәйле гадәттән тыш хәлләрне бетерү өчен чыгып китү планлаштырыла.
Район һәм шәһәр кешеләреннән тынычлык сорыйлар.