Кичә Татарстан башкаласында Россия Махсус олимпиадасының Бердәм уеннары башланды.
Татарстан башкаласында кичә Россия махсус Олимпиадасының Бердәм уеннары старт алды.
«Казан Экспо» территориясендә ярышларны ачу тантанасы узды. Чара барышында шулай ук Олимпия уты кабызылды. Факел мамадыш спортчысы, мәктәп-интернатта тәрбияләнүче Снежана Баранованың куллары аша узды.
Бүген уеннар башланды. Алар 23-26 гыйнварда узачак. 18 дисциплина буенча ярышлар 14 спорт объектында узачак. Мамадышыбыз данын яклаучы балалар 7 спорт төрендә катнашачак: кар өстендә йөгерү, йөзү, шорт трек, фигуралы шуу, чаңгыда йөгерү, өстәл теннисы һәм бадминтон.
Һәм инде мамадыш спортчыларының Россия махсус Олимпиадасының Бердәм уеннарында беренче җиңүләре дә бар. Игорь Баженов 5 км дистанциядә чаңгы буенча икенче урынны яулады. Мамадыш спортчыларын беренче җиңүләре белән котлыйбыз һәм алга таба уңышлар телибез!